મિત્રો, નમસ્કાર.
ગઇકાલે, રવિવારે માત્ર ૧૨ કલાક માટે અમદાવાદ રોકાણ કર્યું. એક સામાજીક પ્રસંગ અને થોડું વ્યવસાયને લગતા કામ અર્થે. બપોરે થોડો સમય, બે મુલાકાતો વચ્ચે, નવરાશ મળતાં ’પતંગ મહોત્સવ ૨૦૧૧’ માં પણ ફરી નાખ્યું. બહુ સમય ન હતો છતાં ટુંકા સમયમાં પણ ઘણાં સુંદર પતંગો જોવા મળ્યા. સજાવટ અને કાર્યક્રમની વ્યવસ્થા પણ સરસ લાગી. ટુંકમાં ફરી મેળ પડે તો એક દા‘ડો નિરાંતવા ફરવા જેવું છે, જોઇએ હવે. અત્યારે તો એ બહુ થોડી પળોમાં ઝડપાયેલા કેટલાક ચિત્રો અહીં માણો.
(ચિત્ર મોટું કરી જોવા માટે તે પર ક્લિક કરો)
અને હા, વિગતવાર સુંદર અહેવાલ માટે શ્રી રૂપેનભાઇની મુલાકાત લો. સરસ અહેવાલ આપ્યો છે. (યોગાનુયોગ અમે બન્ને એક જ દિવસે, અને કદાચ એકજ સમયે, ત્યાં હતાં પરંતુ કદાચ ઓળખાણના અભાવે મળ્યા નહીં ! રૂપેનભાઇ નસીબદાર !! નહીં તો તેમણે પતંગોત્સવનો આનંદ માણવાને બદલે અમને સહન કરવા પડત 🙂 )
ઉડતી અને અચાનક મુલાકાત હોય, અ‘વાદ ખાતેના મિત્રોને જાણ કરવાનું કે મળવાનું પણ ન બની શક્યું તે બદલ દિલગીર છું. આભાર.
શ્રી અશોકભાઈ
આ તો ઘરે બેઠાં પતંગો જોવા મળી ગયા – અહેવાલ તો રુપેનભાઈએ સરસ આપેલો જ છે. જો કે તેમને ત્યાં પતંગની ઈમેજ ખુલી શકી નહોતી.
LikeLike
આભાર, અતુલભાઇ.
જો કે હવે શું કામનું !! બાકી અમે તો ’બાવાના ગામનાં’ !! ચારમાંથી ત્રણ એકડા ઓછા હોત તોયે ચલાવી લેત 🙂 🙂
LikeLike
અશોકભાઈ અમારા કમનસીબ અમે આપ જેવા મહેમાનને ના ખોળી શક્યા . આપ મળ્યા હોત તો કદાચ મને તો આનંદ વધુ મળ્યો જ હોત , આપનું ખબર નહિ . હવે આપણા અમદાવાદની મુલાકાતે મને યાદ જરૂર કરજો જેથી ઓળખાણ થાય અને ભીડમાં પણ ઓળખી શકીએ . મેં તો મારો અનુભવ લખ્યો છે , આપના અનુભવ અને સરકારી આયોજન વિશે થોડું લખશો .
LikeLike
આભાર રૂપેનભાઇ, આપને મળતાં મને પણ ઘણો આનંદ થશે.
સુંદર અને સગવડયુક્ત આયોજન કરાયું છે. ત્યાંથી બહાર આવવાનું મન નહોતું થતું પરંતુ અમારે મનનું નહીં પણ ફરજનું ધ્યાન વધુ ધરવું પડે તેમ હોય, બે-ચાર ઠુમકા લગાવી કમને ત્યાંથી કન્ની કાટવી પડી !! ( હમણાં તો મન-વચન અને કર્મ (બ્લોગ પર પણ !) બધે પતંગ જ છવાયેલા રહેશે !) આભાર.
LikeLike
અશોક ’’જી”
શબ્દો અને સુંદર મજાના ચિત્રો દ્રારા પતંગ મહોત્સવ ૨૦૧૧ માણવા મળ્યૂ, [જોજે ભાઇ કોમેન્ટ વાંચી ને અડધો બિલ ન મોક્લી દેતો]
LikeLike
અડધું ’જ’ બિલ ? 🙂
LikeLike
શ્રી અશોકભાઇ,
હવે અમદાવાદમાં આવો ત્યારે અમને પણ યાદ કરજો.
અને આ ફોટા સરસ છે હો…
LikeLike
સરસ ફોટા છે.
LikeLike
અશોકભાઇ પતંગ મહોત્સવના સુંદર ફોટા દ્વારા અમને ઘરે બેઠાં જ માણવા મળ્યા. આપનો આભાર.
LikeLike
અશોકભાઇ ખુબ ખુબ આભાર સુંદર ફોટા મુકયા. બધાને મઝા મઝા કરાવી દીધી.
LikeLike
શ્રી સોહમભાઇ, માધવભાઇ, મિતાબહેન, રામભાઇ, ગોવીંદભાઇ, રજનીભાઇ, સૌ મિત્રોનો ખુબ ખુબ આભાર.
LikeLike
પતંગ મહોત્સવ
LikeLike