ચિત્રકથા – ધમાલ નૃત્ય

પ્રિય મિત્રો, નમસ્કાર.

આજે માત્ર એક ચલચિત્ર અને થોડા ચિત્રો. તા:૮/૭/૨૦૧૧ના સાંજે જુનાગઢ પોલીસ અને દિ.ભા. વર્તમાનપત્ર આયોજીત તથા શહેરની અન્ય કેટલીયે સંસ્થાઓ દ્વારા પ્રાયોજીત ’જુનાગઢ હેરિટૅજ પરિક્રમ્મા’ની પૂર્વસંધ્યાએ સુંદર કાર્યક્રમ રખાયો હતો. જેમાં નાગરિકોએ સમુહમાં મીણબત્તિઓ પ્રગટાવી જુનાગઢની ધરોહર સમાન પ્રાચિન સ્થાનોની દેખભાળ અને સંભાળ તથા પ્રચાર-પ્રસાર સંદર્ભે પ્રતિજ્ઞા કરી. આ સાથે સુંદર આતિશબાજીનો કાર્યક્રમ તથા જુનાગઢના તાલાલા ગીર (તાલાળા) પંથકમાં વસતા સીદી લોકો (જે કદાચ ભારતમાં વસતી આફ્રિકન મૂળની એકમાત્ર જાતિ છે, આપણે તેમને આફ્રો-ઈન્ડિયન્સ કહી શકીએ) જે સામાન્યપણે સીદીબાદશાહ એવા માનભર્યા નામે ઓળખાય છે, તેમનું પરંપરાગત “ધમાલ નૃત્ય”નો પણ સૌએ આનંદ માણ્યો. આ નૃત્યમાં તેઓ દ્વારા નિરિક્ષાયેલા, કુદરતના ખોળે વાસ કરતા, વિવિધ પ્રાણીઓના હાવભાવ વ્યક્ત કરાય છે તે દર્શનિય હોય છે. તે ઉપરાંત હવામાં ઉછાળી, સીધી માથા પર ઝીલી અને નાળિયેર કે કાચની ડીશના ભૂક્કા બોલાવી દેવા જેવા કૌવતનું નિદર્શન પણ કરાય છે. (ખરા અર્થમાં માથાભારે લોક કહેવાય !!) આ નૃત્યમાં આપને મુળ આફ્રિકન લોકનૃત્યની ઝલક પણ દેખાશે. આના સંગીતની પણ એ ખાસિયત છે કે તેમાં માત્ર ઢોલ હોય છે અને તે પણ ખાલી હાથની થાપીથી જ વગાડાતો હોય છે. (સામાન્ય રીતે આપણે ત્યાં ઢોલ એક કે બંન્ને લાકડીની દાંડીથી વગાડાય છે)

તો માણો આ “ધમાલ નૃત્ય”ની એક નાનકડી વિડિયો ક્લિપ. જુનાગઢના પ્રાચિન સ્મારકોની ઓળખ પણ આપણે આગળ ઉપર કરીશું જ. આભાર.

ચિત્રગેલેરી :

This slideshow requires JavaScript.

ચલચિત્ર : ધમાલ નૃત્ય :

Link of Video :

http://www.youtube.com/watch?v=-9nmRGyze4s

Advertisements