૨૦૧૧ – સુસ્વાગત્તમ્‌


સુસ્વાગત્તમ્‌

મિત્રો નમસ્કાર,
સૌ પ્રથમ તો સૌને ૨૦૧૧નું નવવર્ષ મંગલમય નિવડો તેવી શુભેચ્છા.
અને હવે આજે ચાલતા “Happy New Year” “Welcome 2011” નાં આ હર્ષોલ્લાસ વચ્ચે આવો થોડું જાણીએ આ ૨૦૧૧નાં વર્ષ વિશે. સને.૨૦૧૧ એટલે વિક્રમસંવંત ૨૦૬૭-૬૮, શક સંવંત ૧૯૩૩-૩૪, યુગાબ્દ ૫૧૧૨-૧૩, ઇસ્લામિક ૧૪૩૨-૩૩, બુદ્ધિસ્ટ પંચાંગ ૨૫૫૫, બંગાળી ૧૪૧૮ વગેરે વગેરે વર્ષ ગણાય છે. ચાઇનિઝ પરંપરા અનુસાર ૨૦૧૧નું વર્ષ “સસલા”નું વર્ષ ગણાશે. (૨૦૧૦નું વર્ષ “વાઘ”નું વર્ષ હતું !! આ વર્ષે આપણે આરામ !)

આ વર્ષને યુનોએ (UNO) ’આંતરરાષ્ટ્રિય વન્ય વર્ષ’ ( International Year of Forests) તથા ’આંતરરાષ્ટ્રિય રસાયણશાસ્ત્ર વર્ષ’ (International Year of Chemistry) જાહેર કર્યું છે. ત્રીજા મિલેનિયમનું અને ૨૧મી સદીનું પણ આ ૧૧મું વર્ષ છે તથા ઇ.સ.નાં ૨૦૨માં દાયકાનું આ પ્રથમવર્ષ છે. આવો આ વર્ષમાં સંભવિતપણે ઘટનારી કેટલીક રસપ્રદ ઘટનાઓની આગોતરી જાણકારી પણ લઇએ.

* ફેબ્રુઆરી-૧૯ થી એપ્રીલ-૨ : ભારત, શ્રીલંકા અને બાંગ્લાદેશમાં “વિશ્વકપ ક્રિકેટ-૨૦૧૧”  રમાશે. (સારૂં TV અને ઢગલોએક નાસ્તાની જોગવાઇ કરી રાખજો !)
* માર્ચ-૧૮ : નાસાનું ’મેસેન્જર’ અવકાશયાન, બુધની ભ્રમણકક્ષાનું ચક્કર મારશે. નાસાનો પ્લુટો પ્રોબ ’ન્યુ હોરિઝોન્સ’, પ્રક્ષેપણનાં પાંચ વર્ષ પછી, પ્રજાપતિ (યુરેનસ)ની ભ્રમણકક્ષાને પાર કરી જશે.
* એપ્રિલ-૧ : અમેરિકન સ્પેશ શટલ તેની નિવૃતિ પહેલાંનું છેલ્લું મિશન હાથ ધરશે. તે ઉપરાંત એપ્રિલમાં જ પાકિસ્તાન તેના પ્રથમ ઉપગ્રહનું અવકાશમાં પ્રક્ષેપણ કરશે !! (આ બીજા સમાચાર કદાચ એપ્રિલફૂલ હોય તો હોય !)
* મે માસમાં, આકાશમાં માત્ર ૬ અંશના વિસ્તારમાંજ ગુરુ, શુક્ર, બુધ અને મંગળ એક શાથે જોવા મળશે.
* જુન-૧૫ : પૂર્ણ ચંદ્રગ્રહણ, જે ભારતમાં પણ દેખાશે.
* જુલાઇ-૬ : આંતરરાષ્ટ્રિય ઓલિમ્પિક સમિતિ સને ૨૦૧૮નાં શિયાળુ ઓલિમ્પિકના યજમાન શહેરની ઘોષણા  કરવા એકત્ર મળશે.
* જુલાઇ-૧૦ : વરૂણ (નેપ્ચ્યુન ગ્રહ), તેની ૧૮૪૬માં શોધ થયા પછીનું, પોતાનું પ્રથમ ભ્રમણ પુરું કરશે. (વરૂણ ૧૬૪.૭૯ વર્ષે સુર્યની ફરતે પોતાનું એક ચક્કર પુરૂં કરે છે. અર્થાત આપણા ૧૬૪.૭૯ વર્ષ = વરૂણનું ૧ વર્ષ)  
* ઓગસ્ટ-૧૫ : 45P/Honda-Mrkos-Pajdušáková એવું અટપટું નામ અને ૧.૬ કિ.મી. વ્યાસ ધરાવતો ધૂમકેતુ, પૃથ્વીથી માત્ર ૦.૦૬૦૧ ખગોળિય એકમ (૮૯,૯૫,૧૦૦ કિ.મી.) જેટલા નજીકનાં અંતરથી પસાર થશે. (ઝપટે ન ચઢી જવાય તે જો જો નહીંતો આઝાદી દિને સંપૂર્ણ આઝાદી !!)
* અંતે ડિસેમ્બર-૩૧ : કહે છે કે અમેરિકા આ દિવસે ઇરાકમાંથી પોતાનું સૈન્ય સંપૂર્ણપણે હટાવી લેશે. (તંયે કાલે શું વાંધો હતો ? આખું એક વરસ દુનિયાને તો ટેન્શનમાં રે‘વુંને વળી !)
* આ ઉપરાંત ૨૦૧૧માં બની શકે તેવા કેટલાક મહત્વનાં બનાવો જોઇએ તો, કેલિફોર્નિયામાં વિશ્વનું સૌથી મોટું સૂર્યઉર્જા મથક ખુલ્લું મુકાશે. આ વર્ષ કદાચ સૌર ઝંઝાવાતનું વર્ષ પણ બને અને સૂર્યકલંકો પણ ઉદ્‌ભવી શકે છે.  તોલમાપ પરની ૨૪મી સામાન્ય સભામાં કિલોગ્રામનાં માપની નવી, વૈશ્વિક અચળાંક આધારીત, વ્યાખ્યા નક્કિ કરવામાં આવશે. અને આ વર્ષમાં અમુક નવા વિષય પર બનેલી કોમ્પ્યુટર ગેમ્સનો પણ લહાવો મળશે, વિષયો છે; આબોહવામાં બદલાવ, ચિકિત્સાક્ષેત્રે સંશોધનો અને સ્ત્રીઓનાં અધિકારો !!! (આવી વિડીયો ગેમ્સ ! રમવા કરતાં તો “વાંચનયાત્રા” પર આવા કંટાળાજનક લેખ વાંચવા વધુ સારા ! કે ખોટી વાત ?)

તો આ થયા ૨૦૧૧માં ચમકનારા કેટલાક આગોતરા સમાચારો અને તે ઉપરાંત અણધાર્યા જેટલા સમાચારો મળે તે અલગ ! તે ઉપરાંત આજે ૧-૧-૧૧, જાદુઇ મેળાપ ! સમય સવારે ૧૧:૧૧નો ભેળવો એટલે તા: ૧-૧-૧૧, ૧૧:૧૧ નો અદ્‌ભુત મેળ જામશે ! વિશ્વભરમાં ઘણા શોખીનો આ મેળમાં લગ્નો પણ કરશે (આપણે તો કહે છે કે કમૂરતાં ચાલે છે, બચી ગયા બાબલાઓ !) કોઇને શોખ હોય તો આ એકડાઓની હારમાળા પર હજુ વધુ માહિતીઓ શોધવા લાગે. અને આ ૨૦૧૧ પર પણ ખરી જ. અહીં પણ જણાવવાનું ન ભૂલશો. આભાર.

(સ્ત્રોત: વિકિ તથા નેટ અને પુસ્તકો)
Advertisements

16 responses to “૨૦૧૧ – સુસ્વાગત્તમ્‌

  1. અશોકભાઇ આપને પણ ૨૦૧૧નું વર્ષ મંગલમય નિવડે તેવી ખૂબ ખૂબ શુભેચ્છાઓ.

    Like

  2. * ચાયનીઝ પરંપરા મુજબ તમને આરામ પણ અમારે તો કુચ્ચે જ મરવાનું ને?!

    * મારે કેટ કેટલુ યાદ રાખવાનું ? યાર પહેલા યાદ કરાવ્યુ હોત તો અમેરિકાને ઇરાકમાંથી સૈન્ય હટાવવાનું કહી દેત, હવે જુવો દુનિયા તમારા લીધે (હે?!) ટેન્શનમાં રહેશે ને?

    * તમારી રાશી વાળા અન્ય એક મિત્ર એ આ જ વિષય પર બ્લોગ પોસ્ટ રચી છે, જુવો લ્યો ત્યારે http://amdawadi.blogspot.com/2010/12/blog-post_31.html
    જો જો પાછા ગેર સમજ ન કરતા, તમને બેમાંથી એક ય ને કૉપિ-પેસ્ટની દુહાઈ નથી દેતો .

    * ચાલો ત્યારે સાલ મુબારક બીજુ શું?

    Like

  3. ૨૦૧૧નું વર્ષની હાર્દીક શુભેચ્છાઓ…

    Like

  4. શ્રી અશોક “જી”
    સને.૨૦૧૧ એટલે વિક્રમસંવંત ૨૦૬૭-૬૮, શક સંવંત ૧૯૩૩-૩૪, યુગાબ્દ ૫૧૧૨-૧૩, ઇસ્લામિક ૧૪૩૨-૩૩, બુદ્ધિસ્ટ પંચાંગ ૨૫૫૫, બંગાળી ૧૪૧૮ …. …. …. … .. .
    આપને પણ નવવર્ષ મંગલમય નિવડે તેવી શુભેચ્છા.

    Like

  5. અશોકભાઇ, મિતાબહેન અને અન્ય ગુણીજનો આપસહુને ૨૦૧૧નું વર્ષ મંગલમય, પ્રભુ ના આનંદમય નિવડે તેવી ખૂબ ખૂબ શુભેચ્છાઓ.

    Like

  6. અશોકભાઇ, ૨૦૧૧ના વર્ષને પણ તમારી કલમકારીથી ચમકાવતા રહો.

    Like

  7. સર્વ શ્રી ભુપેન્દ્રસિંહજી, રજનીભાઇ, ગોવીંદભાઇ, શકિલભાઇ, રાજેશભાઇ, દિપકભાઇ, મિતાબહેન, પારૂબહેન, સૌ આદરણીય મિત્રો, સ્નેહીજનોનો આભાર અને સૌને નવવર્ષની શુભકામનાઓ.
    @ રજનીભાઇ, અલ્પેશભાઇ સમા વિદ્વાન ગણિતજ્ઞની આસપાસ ઊભી શકે તેવો તો મારો લેખ ક્યાંથી બને. (હું વર્તમાનપત્રમાં અપાતા તેમના કોયડાઓ રસપૂર્વક વાંચુ છું, જો કે ઉકેલી શકતો નથી !!) પણ આપે લિંક આપી સુંદર કામ કર્યું. સૌ મિત્રોને વધુ રસપ્રદ જાણકારી માટે આ લેખ વાંચવા વિનંતી.
    આભાર.

    Like

    • એક વાત ધ્યાને આવી ! ઉપર પ્રતિભાવકરૂપે પધારેલા મારા વ્હાલા મિત્રોને એક ચોક્કસ વાતે મુલવતા મનમાં કશું ક્લિક થાય છે ? વર્ષ ૨૦૧૧, આ નાનકડા પાનાની જેમ જ, સમગ્ર વિશ્વમાં પણ પ્રેમ અને ભાઇચારો લાવનારૂં બની રહે તેવી અંતરની અભ્યર્થના.

      Like

  8. અશોકભાઈ,
    નવા વરસના રામરામ.
    નવવર્ષદર્શનમ બદલ આભાર.
    કમૂરતામાં પરણવાવાળા પણ હોય છે.
    એ લોકોનું કહેવું એમ છે કે –
    કમૂરતા તો કમૂરતા ફેરા ફરો યારો
    આ એકલવાયી જિંદગીનો વિચાર કરો યારો
    અમે તો વાજતેગાતે આ માંડવે ચાલ્યા ..
    તમે પણ સમજો તો સારું
    નહીં તો વાંઢા મરો યારો!!!!

    Like

  9. અશોકભાઇ.
    નવુ વર્ષની ખુબ ખુબ શુભેચ્છાઓ તમને…
    અને હા, આ જાણકારી વાંચી અતિ આનંદ થયોઇ..આશા રાખીએ ૨૦૧૨ માં પણ વાંચવા મળે…. 😉

    આવજો…

    Like

  10. નૂતનવર્ષાભિનંદન…
    લાંબા સમય પછી બ્લૉગ પર આવ્યો.
    ‘આંતરરાષ્ટ્રીય વન્ય વર્ષ’,વાહ વાહ !!! અને અંતરિક્ષની ઘટનાની આતુરતાથી રાહ જોવી રહી.ખાસ તો પૂર્ણ ચંદ્રગ્રહણ.
    અને હા ,નવો ‘વાઘ’ મુબારક. 😉

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s