મારા પ્રતિભાવો – બે શબ્દ


મિત્રો, નમસ્કાર.

આજે અહીંથી એક નવી (અને નવી તરેહની) લેખશ્રેણી શરૂ થાય છે. આજે આ શ્રેણી શરૂ કરવા બાબતે થોડું વિચારોનું આદાન-પ્રદાન કરી લઇએ. વાત એમ છે કે અમે લેખ બહુ ઓછા લખીએ છીએ અને પ્રતિભાવો વધુ આપીએ છીએ. આજના દિવસ સુધીનાં (૮ માસનાં) આંકડાઓ રજુ કરૂં તો, અત્યાર સુધીમાં ’વાંચનયાત્રા’ પર ૪૩ લેખ લખાયા છે (જેમાં વાંચવા જેવા કેટલા એ તો આપે નક્કિ કરવાનું છે !!) પરંતુ એટલા જ સમયમાં ’વાંચનયાત્રા’ પરથી ૨૮૩ પ્રતિભાવો મિત્રોના સુંદર, વિચારવા લાયક, જ્ઞાનપ્રદ લેખો પર અપાયા છે. આ આંકડો અમારા જુના ને જાણીતા (જેની અન્ય કોઇ શાખા નથી !  😀 )  એવા લાંબા લાંબા, કંટાળાજનક પ્રતિભાવોનો છે ! (ટુંકા ટુંકા કે સાદાસીધા પ્રતિભાવો વળી અલગ !) .

તો, મારા હજ્જારો!! (મજાક કરૂં છું, લાખ્ખો  🙂 ) વાંચક મિત્રો, કે જે બ્લોગજગતની બહારના છે, અને માત્ર વાંચવા માટે વિવિધ બ્લોગની મુલાકાત લેતા હોય છે. તેઓએ સુચન કર્યું કે; (આ સુચન મૌખીક કે ફોન દ્વારા મળેલા છે ! મેઇલ દ્વારા નહીં !! ભ‘ઇ, એમ તો અમે પણ હવે તૈયાર થઇ ગયા છીએ !!  😎 ) તમારા લેખ વાંચવા માટેનું સરનામું તો  ખબર છે, પરંતુ અન્ય લેખ પર તમે તમારા વિચારપુષ્પો મુકી આવો છો તે અમને કઇ રીતે વાંચવા મળે ? (ઓ રંગ રસિયા, ક્યાં રમી આવ્યા રાસ જો…) આથી આ વિચાર આવ્યો અને વિવિધ, સુંદર, વિચારપ્રદ લેખ પર આપણે કરેલી ચર્ચા પણ અહીં મિત્રો વાંચી શકે, રસ પડે તો તેમાં ભાગ પણ લઇ શકે, તેવા શુભ આશયથી આ શ્રેણીની શરૂઆત કરી છે. જેમાં માત્ર પેલા લાંબા લાંબા, કંટાળાજનક પ્રતિભાવોમાંના યોગ્ય લાગશે તેવા પ્રતિભાવોનો જ સમાવેશ કરાશે.

આ શ્રેણી, સમજી શકાય તેવી વાત છે કે, અન્ય બ્લોગર મિત્રોના લેખ પરની ચર્ચાને દર્શાવશે. મારી અંગત માન્યતા મુજબ, મારા પ્રતિભાવ પર મારો અધિકાર ગણાય પરંતુ જે મુળ લેખને કારણે આ પ્રતિભાવ ઉત્પન્ન થયો તે મુળ લેખનો અધિકાર વધુ ગણાય. આથી આ શ્રેણીના તમામ લેખમાં અહીં પ્રતિભાવનું ખાનું બંધ રહેશે. જે મિત્રોને મારા પ્રતિભાવ પર પ્રતિભાવ આપવાની ઈચ્છા થાય તેમણે દરેક લેખમાં આપેલી મુળ લેખની લિંક મારફત, મુળ લેખ પર જઇ પ્રતિભાવ આપવો તેવી વિનંતી છે.  તે ઉપરાંત પ્રથમ મુળ લેખ વાંચી અને પછી મારા પ્રતિભાવ પરત્વે ચિંતન કરવા પણ વિનંતી છે. હા, મારા પ્રતિભાવનો જે પણ પ્રત્યુત્તર આપ ત્યાં આપશો તે અહીં પણ હું જાહેર કરીશ ખરો. (કરવા જેવો હશે તો !!)

શરૂઆત માટે હું અહીં જુનામાં જુના પ્રતિભાવથી નવા તરફ એ ક્રમમાં બધા લેખ અને પ્રતિભાવો લખીશ. જ્યારે જુના લેખ-પ્રતિભાવો તાજેતરના સમય સુધી પહોંચી જશે ત્યાર પછી તાજા જ પ્રતિભાવોના લેખ પણ આપને વાંચવા મળશે. મારો મુળ આશય તો આ બહાને મારા દ્વારા પ્રતિભાવરૂપે વ્યક્ત થયેલા વિચારોનું સંકલન કરવાનો છે. તેના આડફાયદારૂપે પણ ઘણા લાભ મળવા શક્ય છે !! (એ વળી કયા ?  😕  વિચારો,,વિચારો ! બ્લોગ જગતના મહારથીઓ તો જાણતા જ હશે !)  મારા લગભગ બધાજ પ્રતિભાવોની યાદી મારી પાસે છે. (તે માટે અપનાવેલો સરળ રસ્તો કોમેન્ટ બોક્ષની નીચે આપેલ, “ હા, શરૂઆતમાં આપેલા કેટલાક પ્રતિભાવો (ખાસ તો ફેબ. ૨૦૧૦)  ની પુરી યાદી નથી. તો બ્લોગરમિત્રોનાં ધ્યાને આવો રહી જતો  (યોગ્ય !) પ્રતિભાવ આવે તો મેઇલ દ્વારા જણાવવા વિનંતી.

તો મને લાગે છે કે મેં મારી “મારા પ્રતિભાવો” શ્રેણી બાબતે લગભગ બધું આપને જણાવી દીધું છે.  આપને આ વિચાર કેવો લાગ્યો ?  આપને આ વિચાર બાબતે કશી સલાહ સુચન આપવા હોય, અમારૂં વધુ માર્ગદર્શન કરવું હોય, તો શ્રેણીના માત્ર આ પ્રથમ લેખ પુરતું પ્રતિભાવ બોક્ષ ખુલ્લું રાખ્યું છે.  (જેમાં જેના માટે આ મહેનત કરી છે તે કોઇ તો પ્રતિભાવ આપવાના નથી !!  ઘણાંતો ફોનમાં જ મેં શું લખ્યું તે પુછી લે છે ! વાંચવાની ઝંઝટ જ નહીં ! 😦 )  મારા બ્લોગજગતનાં મિત્રો મને વધુ માર્ગદર્શન અને પ્રોત્સાહન આપશે તેવી આશા ભરી વિનંતી છે જ.

આભાર.

Advertisements

27 responses to “મારા પ્રતિભાવો – બે શબ્દ

  1. શ્રી અશોકભાઈ,
    તમારા વિચારપુષ્પો જ્યાં જ્યાં હશે, તે પોસ્ટ પર મેં કોમેન્ટ કરી હશે તો મારા વિચારપુષ્પો પણ ત્યાં હશે. અને હા, મે તો જે કાઈ લખ્યું છે તે બિન્ધાસ્ત લાખ્યું છે અને એક ખાનગી વાત કહી દઉ કે (એમાંથી ઘણી વાત તો મારા પત્નિ પણ જાણી ચૂક્યા છે, અને તે બાબતે અમારે વિવાદ પણ થઈ ચુક્યો છે) તેથી આપ ખુલ્લા દીલે અને બેધડક બધું, હા હા બધું જ જાહેર કરો. આમેય જે સત્ય છે તેનાથી મો સંતાડવાનો સવાલ જ ક્યાં છે?

    Like

  2. બ્લોગજગતની આવકાર્ય ઘટના..

    Like

  3. અશોકભાઈ,
    સુંદર વિચાર.એ બહાને એક જ જગ્યાએ વિવિધ બ્લોગ્સ પર આપેલા પ્રતિભાવો વાચવા મળશે.ધન્યવાદ નવી તરાહ ની શ્રેણી શરુ કરવા બદલ.

    Like

  4. @ શ્રી રજનીભાઇ, શ્રી યશવંતભાઇ, શ્રી ભુપેન્દ્રસિંહજી. પ્રોત્સાહન બદલ આભાર.
    @ શ્રી અતુલભાઇ, અહીં સ્પષ્ટ જણાવ્યા મુજબ માત્ર મારા દ્વારા અપાયેલા, માહિતીયુક્ત કે મિત્રોને વાંચવા જેવા લેખ પરના પ્રતિભાવો જ રજુ કરાશે. અર્થાત આ માત્ર મારો ખાનગી શો છે !!! અન્ય કોઇના પ્રતિભાવો અહીં રજુ કરવા જેટલો સેવાભાવી પણ હું નથી જ !! સિવાય કે તે મારા પ્રતિભાવના પ્રત્યુત્તરરૂપે આવ્યા હોય. (એટલે કે આ શ્રેણી માત્ર મારી બુદ્ધિનું પ્રદર્શન કરવા માટે છે ! અન્ય કોઇની નહીં 🙂 ) આ સંદર્ભે આપનો પ્રતિભાવ મારી સમજની બહાર રહ્યો છે ! કદાચ હું બહુ બુદ્ધિશાળી નથી !! આભાર.

    Like

    • શ્રી અશોકભાઈ,
      તમારો ખૂબ ખૂબ આભાર. મારી બુદ્ધિનું પ્રદર્શન તો હું અવાર-નવાર કરતો જ હોઉ છુ. પણ પણ પણ આ તો મને થયું કે ક્યાં’ક તમે મને આમાં સંડોવવા નથી માંગતા ને? એટલે સ્પષ્ટતા કરી લીધી.

      આમેય તમારી સાથે પહેલેથી ચોખવટ રાખી હોય તો વાંધો ન આવે.

      Like

  5. અશોકભાઇ ખૂબ જ સરસ નવો વિચાર.

    Like

  6. Good (Out of Box) Thinking… All the very Best…
    Looking forward for this new Series…

    Like

  7. wow…. ‘what an idea sirji!!!!!’
    No …no jokes apart… but this is something really new…..
    Nice to see you here…
    Regards,
    Paru krishnakant ‘Piyuni’

    Like

  8. વાહ અશોકભાઈ વાહ, તમે ખરેખર અનોખા છો, સુંદર પ્રયોગ…. વાહ….

    Like

  9. વાહ ભાઈ વાહ શ્રી અશોકભાઈ,
    તમે તો નવી શ્રેણી ચાલુ કરી .ક્યાંક નવી સીરીયલ ચાલુ
    ના કરતા. પાછા સીરીયલ વાળા અકળાશે.
    પ્રતિભાવો ની શ્રેણી શરુ થાય છે, બ્લોગ વાંચન યાત્રા પર,
    વાચવા મળશે એક સ્થળે જુના નવા અભિપ્રાયો વાચનયાત્રા પર.
    સાથે શરુ કરજો તમો એક અનોખા પત્ની ભાવો પણ ,
    જવાબ દેશે સુંદર એનો એમના પતિદેવો જ જરૂર.
    હા..હા..હા………હા…હા..
    ખુબ જ સુંદર અને આદર્શ વિચાર ઉદભવ્યો છે.. અભિનંદન…

    Like

  10. અ+શોક/ભાઇ,
    તમારૂં નામ જ લખાણમાંથી છલકાય છે! પછી રોજ આંટોમારી જાઉં તો કહેશો તો નહીં ને, કે સવારના પો’રમાં કોનું મોઢું જોયું?

    Like

    • આભાર, દિપકભાઇ. (ખાસ તો “અ+શોક” બદલ !!)
      આપ સાહેબને એક જોખમથી અવગત કરાવી દઉં !! અમારી (અહીં ’અમારી’ એટલે ’મારી’ જ સમજવું ! સ્વનાં માનાર્થે હું ’અ’ વધારામાં વાપરૂં છું ! આમે જાતે વાંસો થાબડી લેવાનું તો કોઇ અમારી પાસેથી જ શીખે ! (યાદ કરો ભીખુદાનભાઇનું ’હું તો મારૂં માઇતમ (મહાત્મય) વધારૂં છું’ 🙂 ) આડે ઉતરનાર બિલાડીને જ્યોતિષીઓ જાપ જપવાની સલાહ આપે છે !! આ તો બેઘડી મજાક કરી. આપનું આવવું એ અમારૂં સૌભાગ્ય છે. ભલે પધાર્યા.

      Like

  11. સરસ વિચાર ! ખૂબ ગમ્યો ! કોઈએ આગળ કહ્યું છે તેમ પ્રતિભાવોની શ્રેણી સાથે સીરીયલ પણ ચાલુ કરશો ?

    Like

    • આભાર અરવિંદભાઇ,
      આપના મોં માં ઘી-સાકર ! (ગોવિંદભાઇ -પરાર્થે સમર્પણ, નાં મોં માં પણ !)
      બહુ નાના પાયે સીરીયલ પર પણ હાથ અજમાવવાનું કામ ચાલુ છે. (એ ક્ષેત્રમાં પણ કેટલાક માનવંતા, અંગત મિત્રો છે તેથી કદાચ વધુ મેળ જામે પણ ખરો ! આગળ પર કંઇ પ્રગતિ સધાશે તો જાણ જરૂર કરીશ.) જો કે આપ સૌને અમારો આ પ્રતિભાવ શ્રેણીનો વિચાર ગમ્યો, આવકાર્યો તે પણ અમને ઉત્સાહપ્રેરક છે જ. આભાર.

      Like

  12. સીરીયલ માટે અગાઉથી જ સફળતા મેળવો તેવી શભેચ્છા પાઠવી દઉં છું.

    Like

  13. Very Nice thought.

    Now by seeing your comment, I will be able to surf main blog post on different blogs….sounds easy for me….as it happens that, I don’t get time to surf many blogs, Infact my knowledge about good blogs are also very limited…so, here, I will get a chance to come across many more blogs through your valuable comments.

    Best wishes for your new series.

    Like

  14. આદરણીયશ્રી.અશોકભાઈ

    આપે નવી સિરીયલ શરૂ કરી તે જાણી ખુબ જ આનંદ થયો,

    આપ તો ઓલરાઉન્ડર છો.

    Like

  15. ફળદ્રુપ ભેજાના માલીકની આ ફળફળતી વાનગી કે જે ઠંડી થઈ ગઈ હતી તે હવે તાજી (ફળફળતી = ગરમાગરમ) મળશે. ધન્યવાદ. (વાદનીય ધન્યતા)

    Like

    • આભાર જુ.ભાઈ.
      ઠીક યાદ અપાવ્યું ! ’મારા પ્રતિભાવો’ પરિયોજના ’ઠંડી’ થઈ ગયેલી વાનગીને ફરી ’ગરમ’ કરીને પીરસવાને કામ લાગે તેમ છે ! ’ધન્યવાદ=વાદનીય ધન્યતા’, સચોટ અર્થ કર્યો. ક્યાંક ક્યાંક ’વાદ’ કરીને ધન્યતા અનુભવાય છે. એવા વાદને ધન્યવાદ જ કહેવાય ને ?

      ભગોમં ફંફોળ્યું તો ’વાદ’નો ખજાનો મળ્યો. કેટલાંક અર્થ=તર્કના પ્રાધાન્યવાળી ચર્ચા,સ્પર્ધા, હરીફાઈ, ચડસાચડસી, મમત, જિદ્દ, ઝઘડો, ટંટો, જવાબ, ફરિયાદ, વર્ણન; હકીકત, વિચારશક્તિ; બુદ્ધિવ્યાપાર, સંભાવના વ.

      પણ ત્યાં જ, કિશોરલાલ મશરૂવાલાનું સુંદર અવતરણ પણ મળ્યું જે ગમ્યું, ’જે પરિણામો આપણને પ્રત્યક્ષપણે માલૂમ પડે છે પણ તેનાં કારણો અત્યંત સૂક્ષ્મતાને લીધે અથવા બીજાં‌ કોઈ કારણને લીધે પ્રત્યક્ષ પ્રમાણથી કરાવી શકાતાં નથી તે પરિણામો સમજાવવા તેના કારણો વિષે કલ્પના કરવામાં આવે તેને વાદ કહે છે.’ (ભગોમં)

      લો આપ સમા વિદ્વાનને વાદે ચઢ્યો તો આ “પીરસવાં”નું જેવુંતેવું વિશ્લેષણ આવડ્યું ! “પી+રસ+વાં” (વાં=ત્યાં, તે ઠેકાણે) = ત્યાં પીવા જેવો રસ છે ! (જ્યાં અમે પ્રતિભાવ્યા છીએ !) “ધન્યવાદ”

      Like

      • સામાન્ય રીતે રજવાડાઓમાં પોતાને પ્રથમ પુરુષ બહુવચનમાં સંબોધવામાં આવે છે. (તેઓ પોતાને હું નહીં પણ અમે તરીકે સંબોધે/સંબોધાવે છે.) તમે તમારા નામના આદ્યાક્ષરોનો લાભ લઈને આ ધંધો કર્યો તેમાં મને તો શું, કોઈનેય વાંધો ન હોય. પણ મને તો એ ધંધામાંથી પણ જોઈતું મળી ગયું છે. હવે તમો વીદ્વત્તાસભર વીદ્વાન હોવાની સતત સાબીતીઓ આપવા માંડ્યા છો. તમારી અભ્યાસુ ખાંખાંખોળી હવે નેટ પર તમને વીદ્વાન કહેવરાવે તો નવાઈ તો નહીં જ બલકે યોગ્ય જ ગણાશે.

        તમે શબ્દને સમજવા જ નહીં, પામવા માટેય (સફળતાપુર્વક) મથતા હો છો. તમારાં લખાણોમાં જે ઉંડાઈ હોય છે તે તો ખરું જ પણ એક વ્યવસ્થા પણ હોય છે. ગદ્યમાં વીચારોનો ઢગલો કરી દેવાનો હોતો નથી. વીષયને અનુરુપ એને માનપુર્વક મુકવાના હોય છે તે ઘણા નથી જાણતા. લખી નાખવું અને લખી દેવુંમાં ફેર છે. લખવામાં લક્ષ્ય પરત્વેનું લક્ષ મહત્ત્વનું હોય છે. લખ, લક્ષ અને લક્ષ્ય વચ્ચે બહુ અંતર નથી !

        હવે જરા તમે ફકરાની ગોઠવણી પરત્વે સહેજ જ ધ્યાન આપશો તો ચાર ચાંદ લાગી જશે.
        મારો છેલ્લો સામાજીક તાણાવાણા અંગેનો લેખ ઘણાને બહુ ગમ્યો હતો પણ એમાં હું વીષયને પ્રગટ કરવામાં કેટલોક ક્રમ વીખેરી બેઠો છું ! મને સંતોષ ન થયો. જોકે કન્ટેન્ટની વાત નથી. એનો તો મને સંતોષ છે જ પણ એમા વીચારનાં બેત્રણ કેન્દ્રો બની ગયાં છે ને તે બધાંને યોગ્ય ક્રમ આપી શકાયો નથી ! લેખમાં એક ફકરો બીજા તરતના ફકરા સાથે સંબંધ ધરાવતો હોય છે. તેમ થાય તો સુસંકલીત–સુગ્રથીત લખાણ બને છે ને ફકરાને તેનું માન મળે છે.

        સારી સામાજીક વ્યવસ્થાને મેં મારાં લખાણોમાં સરસ્વતીના સુમધુર, સુચારુ, સુસંકલીત સ્વરોની સાથે સરખાવવા પ્રયત્ન કર્યો છે. ધર્મ, નાતજાત વગેરે મળીને બનતો સમાજ પણ સરસ્વતીની વીણાના સુરોની જેમ સુગ્રથીત હોય તો કેવું ગમે ?!

        તો પછી સરસ્વતીની જ પ્રેરણા વડે પ્રગટતું સાહીત્ય તો જેવુંતેવું ચાલે કાંઈ ?!

        તમને વીદ્વાન તરીકે ફક્ત ગણાવવા જ નથી માગતો પણ સાબીત કરવા પણ માગું છું. હું મારી જાતને વીદ્યાર્થી અને બહુબહુ તો શીક્ષક કે વીવેચક જ માનું….ભુલેચુકેય વીદ્વાન તો નહીં જ. હું કોઈને વીદ્વાન બનાવી શકું (શીક્ષકને નાતે) પણ વીદ્વાન હોઉં નહીં.

        નેટ પરના કેટલાક લેખકો પાસે મારી મોટી અપેક્ષાઓ છે.

        Like

      • પ્રતીભાવ, શ્રેણી, સીરીયલ અને છેવટે સાબીતી કે સર્ટીફીકેટ સુધી વાત આવી ગઈ છે.

        નીચે બે લીન્ક આપેલ છે.

        Mobile phones at school (For and Against essay)
        School Drop-Outs: Problems and Solutions

        (૧) Essay on opinion
        http://www.salesianosbadajoz.com/alumnos/Ingles/Opinion%20essay.pdf

        (૨) Writing Reports
        http://www.learningdevelopment.plymouth.ac.uk/LDstudyguides%5Cpdf/7Reports.pdf

        Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s